Jonsokfeiring

I år fann vi ut at vi ville feire jonsok i Råvika. Vi tok med eit traktorhengarlass med rusk og rask, og køyrde utover. Familien Otterlei fylte og eit hengarlass med rusk, så vi fekk laga eit stort bål. Hege og ungane kom utover, og det gjorde farmor og farfar og. Vi hadde det kjempekjekt. Og ungane leika og leita etter krabber og fløskjel heile kvelden. Vi kom utover i sju-tida, og før vi visste ordet av det så var klokka halv ti. Litt bilder frå kvelden under...


Vi hadde med oss pølser, karbonader, potetgull, sjokolade, brus, kjeks og anna snacks. Men ungane hadde nesten ikkje tid til å ete, for dei var så opptatt av å krype rundt i fjøresteinane på jakt etter krabber. Dei tre minste var mest opptatt av å sjekke ut underlaget. Dei både testa smaken, korleis det var å ha sand i auga og korleis dei kunne få mest mogleg sand i kleda sine...


Då vi kom heim var det heilt nødvendig å bade og vaske håret, slik at ungane fekk skylt vekk litt strandsand. Kasper hadde gløymt att hua si, så han måtte låne hue med Hedda... Gjekk greit for han, men det var litt vanskeleg å svelge for mor-Solveig at han hadde rosa hue!

Vi hadde ei flott jonsokfeiring, så dette vil vi gjere neste år og!