Bading i dag óg!

Tredje dagen på rad vi er så heldige at vi kan vere på badestranda! I dag køyrde vi til Ulla og var på eine stranda der ute. Det er ei fin laaaanggrunn strand som er ypperleg for ungar. Vi fann krabber, flyndrer, glassmanet og til og med ei reke(!) som vi kunne studere, og elles kosa vi oss i vatnet og på land.


Sidan det var fridag i dag, så kunne pappa Kenneth og vere med på stranda. Det var kjekt! Så i dag fekk vi bade alle saman.

Medan vi var der kom farfar ein tur og. Han var ikkje verre på det enn at han gjekk rett uti vatnet. Svømte laaangt ut og leika med ungane. Gjett om dei synest det var stas å bade med farfar!? Her er han i full fart på veg ut i vatnet!

Thea vil ha med farfar ut for å leite etter krabber. Farfar var ikkje tung å be!

Kasper nyt fineveret i soldrakta si. Han liker seg godt i vasskanten der han kan plaske litt i vatnet og leike med sanden. Har eigentleg ikkje tid til å sove ein gong!

Litt mat må vi ta oss tid til. Her har jentene ete opp rundstykka sine, og no er det kjeks og potetgull som står på menyen. Vi nyt fineveret!